د. أحمد زكي بدرالنت زى الزفت ، والمدارس بايظة ، والمستشفيات متنيلة بستين نيلة ، والزبالة متلتلة ف الشوارع ، وهدم البيوت القديمة وبناء
ناطحات السحاب مكانها شغال علي ودنه ، وأسعار الخضار والفواكه ملهلبة ، حزمة البصل الأخضر اللي فيها كام راس بجنيه ، وحزمة الجرجير اللي شارب من مية المجارى ب ٣٥ قرش ، والمحافظين والوزراء ماشيين علي مزاجهم كل واحد بيعمل اللي يطلع ف دماغ أهله ، واحد يزيل أهم معالم اسكندرية في محطة الرمل ، والتاني يزيل قضبان مترو مصر الجديدة من غير ماياخد راى حد ، والتالت يتمنظر علي طبيب شاب شايف شغله ويحرجه قدام المرضي والممرضات ، ووزير تربية وتعليم فاقد التربية والتعليم ، والراجل الغير مناسب حاطينه في المكان الغير مناسب ، رغم وجود الكفاءات ، يعني واحد زى أحمد زكي بدر ليه مايكونش هو رئيس الوزراء ، علشان يعرف يشد ع الوزراء والمحافظين..
للمزيد 
ليست هناك تعليقات:
إرسال تعليق